IZPARRINGIAK eramango ditu Blogetan-en sari guztiak (ia)
Resurrección María de Azkue
IZPARRINGIAren Ezohiko Ikerketa Kazetaritza Sailaren iturri anonimo baten informazio ezin ziurrago baten arabera, orainkari digital honek irabaziko ditu Blogetan-en sari guztiak. Tira, ia guztiak.
Hil honen seian, ostegunez, jakinaraziko dira Blogetan lehiaketako blog onenen sariak Euskararen Etxean, Azkue Fundazioaren Kaserna Nagusian. Kultura, Gizartea eta Politika, Aisialdia eta Zientzia eta Teknologia sailetarako lehiakideak ehun baino gehiago dira eta bertan dago IZPARRINGIA ere lehia bizian.
Publikoaren bozak ez dira gehiegi izan -ezaguna da jende xehearen ezjakintasuna eta esker txarra-, hala eta guztiz ere Epaimahaiko Jaun/Andere Txit Goren eta Ezin Jakintsuagoen aburu hutsezinez IZPARRINGIAri dagozkio, meritu, bertute eta arrazoi eztabaidaezin eta ugariengatik, sail -ia- guztietako sariak. Kulturakoa lekat, zeina neskato sasi-kultureta ezezegun bati ematea deliberatu baitute Epaimahaiko zenbait morroi ezjakinek. Badakigu non bizi diren.
Pozik gaude IZPARRINGIA osatzen dugunok, sari hauen bidez geure lan eskerga aitortu eta euskal kulturarenganarekiko egiten ari garen ekarpen erraldoia eskertu egiten baitzaigu, sikieran moralki eta estetikoki, ezen ekonomiki ez baitugu sosik ikusi. Oraindik. Badakigu epaimahaikoak non bizi diren.
@martin_kitto zer diozu? IPARRINGIAK eramango ditu Blogetan-en sari guztiak (ia) – http://t.co/qiOPCKdmJe http://t.co/AREj4epXTn
“euskal kulturarenganarekiko” horrek #EzDuPreziorik: IZPARRINGIAK eramango ditu Blogetan-en sari guztiak (ia) – http://t.co/E3DNVlxfn5
Ona! IZPARRINGIAK eramango ditu Blogetan-en sari guztiak (ia) – Izparringia http://t.co/UWB1kdNK39 @Diigo(r)en bidez
RT @FiloBlogia: “euskal kulturarenganarekiko” horrek #EzDuPreziorik: IZPARRINGIAK eramango ditu Blogetan-en sari guztiak (ia) – http://t.co…
RT @FiloBlogia: “euskal kulturarenganarekiko” horrek #EzDuPreziorik: IZPARRINGIAK eramango ditu Blogetan-en sari guztiak (ia) – http://t.co…
[…] Euskaltzaindiak eta BERRIA egunkariak batere disimulurik gabeko kanpaina bateratu bati ekin diote, asteon Izparringiak jaso behar duen aisialdiko blogik onenaren #Blogetan saria azken unean […]